සිත් අහස පුරාවට
නුඹ වෙනුවෙන් සිත්තම් කළා වූ ස්නේහය
කඳුළු කැට ගොන්නක්ව දිය වී යන සඳ....
සිතේ රැඳවුනු දහසකුත් පැතුම් පොදි
එකින් එක සුනු විසුනු වෙන කල්හි
වරම් නොලදත් පුදන්නට
සිතේ රැඳි සෙනෙහස
පතන්නෙමි මුළු හදින් මගෙම වන්නට නොව
නුඹේ හද දිනු ඇයගෙ වන්නට
by: Chamari Lakshika
Monday, March 11, 2013
Thursday, March 7, 2013
සුහදාණනි
රුදුරු වියකල් රතිය හඹනා
එකල රුව හැඩවැඩම බලනා
නොකර සත්දම් අමන ලෙසිනා
කරති පව්කම් සතර දෙසිනා
පෙම් කවක් පැබැදුමක් උදෙසා
මවති රූ රසදුනක් විලසා
සෙවණ ගැනුමට කිසිත් විමසා
නැත කොතෙක් රුක් වැලක් සදිසා
සිත නැතත් එක තැනක සන්සුන්
කර ගනියි සැම විටක විමසුන්
පල නැතත් කල පෙමක පෙමසුන්
නොකර ගනියව් හානි දිවිදුන් By: Kushan Jayasinghe
නුඹම වී එහි රැදී
පහන් කරවයි මසිත
නුඹම වී එහි රැදී..
අවදි වී කවි සිතත්
පද අරුත් නුඹම වී...
සනහලයි ජීවිතය
පිසලමින් කදුළු ගී....
දකින හැම දසුනක්ම
සොඳුරු වී හද බැඳී..
සිහිකරයි නුඹ ගැනම
ලොවම රැඳි තැනකදි
හැර නොයන් කිසි දිනක
මා දමා කදුළු දී....
යා යුතුය බෝ දුරක්
සෙනෙහෙ දී මා දිවිය වී.... by: Chamari Lakshika
Wednesday, March 6, 2013
බාලොලි කැකුල
බාලොලි කැකුලක පාට මන බැඳි
වැලි කතරකට සිතින් පෙම් බැඳි...
රනින් රුවනින් මිල නොකල හැකි
සොදුරු දසුනක් නෙතට තනි නැති....
සිතට නැගි පෙම කිව නොහැකි තැන
සුසුම විතරක් මුව අගට දී
කදුළු බිදුවක් ගලා ගිය හැටි...
වැලි කතරකට සිතින් පෙම් බැඳි...
රනින් රුවනින් මිල නොකල හැකි
සොදුරු දසුනක් නෙතට තනි නැති....
සිතට නැගි පෙම කිව නොහැකි තැන
සුසුම විතරක් මුව අගට දී
කදුළු බිදුවක් ගලා ගිය හැටි...
Subscribe to:
Posts (Atom)